Sindata do panangod tokou nopo nga au oimato nga aiso kabaga maza di Yeshua ...

Image via Wikipedia

Sindata do panangod nopo dotokou nga okon ko oimato

Kutbah di Dr. Tom Malone Sr

“ Sindata do panangod tokou nopo nga okon ko oimato, nga aiso kabaga maza do Kinoingan do momovunduk do  kuta ngaavi” 2 Korinthus 10:4)

Id boogizan diti, minogumohig ih Paulus do korosulan disido.

Doi mongoi do kaanu tokou do mamalati do nunu oh komozon disido doid nazatan diti, mositi do lotian tokou do nokoboos ngaavi ih tuhun dii do,” Na, ih Paulus nopo diti nga au osiou oh kokikitanai. Ih po id boboboos disido nga aiso do vinakas. Suat nopo disido nga avagat om avakas, nga sopitoguvang nopo om olumbog isido, om ohou disido nga au avasi.”

Minonuat ih Paulus dioho om minoboos, do minogumohig do korasulan disido, “ Sindata do panangkod dotokou nopo nga au ih oimato.”

Intangai oh apat oh kozuzuvo di kaanu do monguntingau do pomuandaman doid nazatan diti.

I. Mamaso naku oh pisangadan do ontok dino.

Kogumuan ih au nokoiho do tumanud nopo di Yeshua nga poingamung do pisangadan.  Om pisangadan nopo dino nga poinsuat doid Bibol. Songian ponuat ih Paulus kuminaa doid songuhun Moboboos tomuhok ih Timoti , boos ka disido, “ Iziau oh pababagan ku, otu Timoti …. do iziau maza ngaavi dii do monongkisangod kopizo” (1 Timotius 1:18). Komozon nopo disido dii nga, “ Ih moboboos tomohok, id tatanga ko do pigogutan, ih pisangadan, okon koi mongoi podtuongis”, ka di Paulus minonuat diti moboboos tomuhok, “ Taanai no kosusaan, miaga do songuhun susumangod tosiou di Yeshua HaMashiach” (2 Timotius 2:3)

Na nunu bo kopizo oh toguvangan do susumangod ngaavi? Susumangod ngaavi nopo nga okon ko mongoi nopo baris. Mositi do  mogovit izioho do sinapang om monongkihavan. Susumangod nopo ngaavi nga poingamung do pisangadan.

Kogumuan oh Kadazan, sakag do Kinoingan, au nokoiho izioho doid pisangadan izioho.

Kumoiso, basaon ku oh nazatan ih noikot do kakat do ginavo ku. Kinointahangan 12:7 minoboos, “ Kiva do pinisangadan id surga.” Momuondom tokou doid id Surga nopo nga ih tampat do katanangan, nga Kinoingan sondi moboos kokomoi do pinisangadan do doiho.

Dadi kiva dii naku do sabap-sabap do  okon ko id dasom do pisangadan ih tutumanud ngaavi di Yeshua doid pomogunan do babaino diti. Tomoimo do poimpiumon ih Paulus do pisangadan diti. Di oluai nodii do apatai isido, ka disido, “ Nakahavan zou do pihavanan do au gigina, nopupusan ku ih tindahanon ku, noovit ku ih kotumbazaan ku” (2 Timotius 4:7)

Ulalai ih Ephesus, Bogizan 6, nazatan 11: “ Goungo no ih sindata ngaavi do pisangadan” Nokuo tu gumaung do sindata? Sabap id dasom kou do pisangadan.Mapanau oh pisangadan do kosunduvanan diti. Ka do Kinoingan, Dadi, goungo no ih savi-avi sindata do Kinoingan, do mongoi dii do au kou a’aha do taka talaat do logon.”

Na, nunu ih pokionuon ku diozu do mintong nga ih nazatan 12: “ Sabap okon ko migogo tokou  do tonsi om zaa, nga mihavan do raja-raja, vinakas, mihavan do momolinta ngaavi .... oputan vagu.