Gigisom do kavangun do Kinoingan iti pomogunan, om nokoimagon Disido do Kadazan (tuhun) no ih momolinta doid davan, soibau do tanah om id saahom daat, au pinosontob di Logon Gazo, Satan, do potihombus ih nga minogium isido do lahan do ingkuo do pinaatu di Kadazan, ngaan nopo disido doid Hebrew nga zi-Adam; nonuan isido do Kinoingan do savo, ih zi-Eva, om maza di Eva do naavan oh Kadazan do kopolintaan dii. Nga sabap no do koginavaan do Kinoingan kuma do sakag ngaavi Dau, do nonuan ih zo-Adam di Eva do kosivatan do osoguhi oh pomolintaan do sakag dioho maza di Songuhun ih osusu maza di tondu dii.(John 3:16)
(Genesis 3:15 And there will be war between you and the woman and between your seed and her seed: by him will your head be crushed and by you his foot will be wounded.)
Ngaan nopo do Tanak Kusai diti nga ih "Immanuel", komozon Kinoingan miampai dotokou, ih nosusu di songuhun tulunan di Eva, ih Maria, di duvo no ngoibu toun hohobi mantad baino. Nokointahang doid tinau tokou Isido do ih Huminundun/Huminodun nga au songkuo do nokotutun kopizo ngaavi oh bobohizan sabap do no'ongou nopo dioho oh Kinoingan do songian ponongkiboos Isido to tinau ngaavi do Johudi, ih nimangan bu'ano di Mozes, di ontok pataakai Disido ih Opod Ponuu om undang-undang ngaavi Disido do doiho id nuhuvon do Sinai id Egypt. Nakaambit nopo do Boos di pinasangkap do Kinoingan id kaping do vatu (Logos) nga ih no tinau do Johudi, om gisom no do baino do poingopi dioho iho.
Nokuo om nunu oh padaaman do Kinoingan do pinotuun di Tanak Dau ih Yeshua, komozon Kinoingan Mononobus, doid pomogunan? Sabap Kinoingan nopo nga au mogovudut, om otuhid oh kalalahano Dau, do nadadi ih Yeshua do 'Bohi' montok do douso ngaavi do kadazan (tuhun) do mongoi do otonduhi ih zioho miaga di pogulu ih do naatuk izioho id douso. Sundung potu do nosuak oh tunundu Disido di ontok papapako ih Tanak Dau do iiso noh id salip, sabap do ginazo do koginavaan Disido montok do kadazan, nokataak Disido Isido do mongoi otobus om otonduhi vagu ih savi-avi oh kadazan di ongotumbazan Disido.
Kinapatazon di Yeshua id Salip nopo nga au miho do booson oh ginazo do lati montok dotokou sabap iti no ih lahan di i'iiso no do kaanu mogovit dotokoua ngaavi gumuhi doid id di Ama id surga. Naaha no di Yeshua ih kopolintaan ngaavi do kotuvangan om kapatazon songian tungag Isido di kotohu tadau di kinapamahabangan Disido. Om sontob di ongotumbazaan Disido om Ngaan Dau, onuan ngaavi izioho do kavakasan om kavasaan do moguzazang do logon, sunduvan tangalaat om papagabus di sontob ngaavi pointolungku do douso om kagos do logon.
Okuang oh pononsunudan do panambazangan, hohobi pokozo do RC, do lahan ngaavi do gagut, logon om sunduvan tangalat mantad kopolintaan kotuvangan do mogundonok, manakau, momoduso, momudut om minghahasu dumadi di Maria, tuhun ngaavi di nagapatai ih dinadi do panambazangan do sangti, om mogikavo-kavo oh lahan do logon do mokisamba om mogimbaazat id kalaatan.
Tudu nopo do blog diti nga monimung do susunud om undang-undang do Kinoingan, papadahin id boos tokou, poposunud, papalati, monontuduk, popo'ia, popoinobos kuma ngaavi di ongotumbazaan di Yeshua, savi-avi kadazan di o'ovit do Sunduvan Tohidang doid blog diti.
